Veladet Bahri

Âmine Hâtun Muhammed ânesi Ol sadeften doğdu ol dür dânesi Çünkî Abdullah’tan oldu hâmile Vakt erişdi hefte vü eyyam ile Hem Muhammed gelmesi oldu yakîn Çok alâmetler belirdi gelmeden Allâhümme salli âlâ seyyidinâ Muhammedinin Nebiyyil ümmiyyil ve âlâ âlihî ve sahbihî ve sellim. **** Ol Rebiûl evvel âyın nîcesi On ikinci gîce isneyn gîcesi Ol gîce kim doğdu ol hayrûl-beşer Ânesi anda neler gördü neler Dedi gördüm ol Habîbin ânesi Bir acep nûr kim, güneş pervânesi Berk urup çıktı evimden nâgehân Göklere dek nûr ile doldu cihân Gökler âçıldı ve feth oldu zulem Üç melek gördüm elinde üç âlem Bîri meşrik bîri mağribde anın Bîri dâmında dikildi Kâbenin İndiler gökden melekler sâf sâf Kâbe gibi kıldılar evim tavaf Çevre yânıma gelip oturdular Mustafâ’yı birbirine muştular Dediler oğlun gibi hiç bir oğul Yâradılâlı cihân gelmiş değil Bû senin oğlun gibi kadr-ı cemîl Bir anâya vermemiştir ol Celîl Ûlu devlet buldun ey dildâr sen Doğiserdir senden ol hulk-ı hasen Bû gelen “ilm-î ledün” sultânıdır Bû gelen tevhîd ü irfân kânıdır Bû gîce şâdân olur erbâb-ı dil Bû gîceye can verir eshâb-ı dil