Aşkın Ezeli Aşıka

Aşkın ezelî âşıka ilhâm-ı Hudâ’dır Bir neş’e-nümâdır Tahkîk gönül şehrine bir nûr-i zıyâdır Minhâc-ı hüdâdır Ammân ammân ammân aman ammân Yandım yandım yandım sana kurbân Her kimde ki var lezzet-i aşkın cevelânı Eyler deverânı Anın o semâ’ı dil-i uşşâka cilâdır Hem rûha gıdâdır Ammân ammân ammân aman ammân Yandım yandım yandım sebeb ammân Hâce beni men’etme cünûniyyet-i aşkdan Ver dersim o meşkden Bu cezbe-i aşk âşıka bir özge edâdır Bilsen ne safâdır Ammân ammân ammân aman ammân Yandım yandım yandım gülüm ammân Vâiz bana vasfeyleme cennât ile hûru Bilmem o huzûru Âşık olanın aşk ile matlûbu rızâdır Bâkîsi hevâdır Ammân ammân ammân aman ammân Yandım yandım yandım gülüm ammân Zâhid beni ta’n eyleme kim mescide gelmez Râh-ı Hakk’ı bilmez Ben mu’tekifim kûşe-i meyhâne banâdır Mescid de sanâdır Ammân ammân ammân aman ammân Yandım yandım yandım gülüm ammân Bir dil ki bilir aşk-ı hakîkat haberinden Söyler eserinden Elbette o dil beyt-i nazargâh-ı Hudâ’dır Kâl ehli cüdâdır Ammân ammân ammân aman ammân Yandım yandım yandım gülüm ammân Emrah güher izhâr edip ehl-i hüner ister Ya’nî dürer ister Hâk-i der-i cânânede gerçi fukarâdır Ammâ şu’arâdır