Musaffa Eyle Dil Levhin

Musaffâ eyle dil levhin bugün nûr-i tecellâdan Cemâlin gösterir Allah çü mir’ât-ı mücellâdan Nazargâh-ı Hudâ’dır dil velî sanma cüdâdır dil Uçar misl-i hümâdır dil geçer arş-ı muallâdan Değilsin lâyık-ı cânân seni nefsin eder hayrân Gel ey mecnûn-i sergerdân haber ver bu muammâdan Hayâlî bes ayân etgil bu esrârı beyân etgil Mekânın lâ-mekân etgil cevâb etgil müsemmâdan