Fatih Koca
Yanmaktan Usanmazam
visibility
17 Okunma
Yanmaktan usanmazam pervâne miyim bilmem
Hiç sonunu saymazam divâne miyim bilmem
Dil-hâne harâb oldu yıkıldı türap oldu
Her cânibi bâb oldu vîrâne miyim bilmem
Her şâm u seherde zârım gûş eylemez ol yârim
Bakmaz bana hünkârım bîgâne miyim bilmem
Kalbimde ocağım var sînemde de dağım var
Âteşte durağım var hep yâne miyim bilmem
Nûrî dem-i dehşette bahr-i gam-firkatte
Ka’r-ı yem-i hayrette dürdâne miyim bilmem