Grup Vefa
Ne Devlettir
visibility
20 Okunma
Ne devlettir bazâr-ı aşk kurulmuş
Giren bu bazâra merdâneler var
Gönüller zikr-i Hakk ile nur olmuş
İçerler bâde-i rûhâneler var
Severler Hazret-i Hakk’ı gönülden
Zâkirlerden güzel güldâneler var
Tecellî-hânedir halka-yı tevhid
Nazargâh-ı Hüdâ dilhâneler var
Hidayet şem’i yanmışdır ezelden
O şem’a nice bin pervâneler var
Muvahhidler alur feyz-i Hüda’dan
Olur ma’mur nice virâneler var
Gönül mekteb-i irfânda okur ders
Bu şehr-i ışkda çok dershâneler var
Cihân şîr-i Hüdâ’dan hâli olmaz
Gedâlar sahibi şâhâneler var
Ayırma Lütfî göz Dergâh-ı Hakk’dan
Bu divânda yine divâneler var