Mehmet Kemiksiz
Ere mi Aşık Cemalin Nuruna
visibility
15 Okunma
Ere mi ‘âşık cemâlin nûruna
Rahmetin gufrânın ayıdır senin
Vara mı sâdık visâlin Tûr’una
Lutf ile ihsânın ayıdır senin
Ma’siyetden kulların sâim ola
Tâ’atında her biri kâim ola
‘Iyd-i vaslın umarız dâim ola
Rahmet ü ihsânın ayıdır senin
Kadr-i vaslın kim ede mi’râcını
Urunur lâbüd sa’âdet tâcını
Sen esirge kulların muhtâcını
Lutf ile ihsânın ayıdır senin
Ger cenâbından ‘atâ ihsân ola
Cân ü diller derdine dermân ola
Zerreler gün katreler ‘ummân ola
Rahmetin ihsânın ayıdır senin
Ger Hüdâyî fazlına ola karîn
Kadre erişir yeter ana hemîn
Kıl ‘inâyet kıl hidâyet yâ mu’în
Lutf ile ihsânın ayıdır senin