Aşkı Hakdır

Aşk-ı Hak’dır âşıkın kalbini ma‘mûr eyleyen ‘Aşka dil ver aşk imiş gönülleri nûr eyleyen Vechiñi her kim ki görse der ene’l-Hak aşk ile Aşk değil mi niçesin bu yolda Mansûr eyleyen Gördüler çün zâtını şâd u ferahnâk oldular Aşk imiş mahzûnları her demde mesrûr eyleyen Bir gedâ iken cihânda aşk ile sultân olur Aşkdır cümle dile uşşâkı meşhûr eyleyen Tâ ezelden câm-ı aşkı Şâfi‘î nûş eylemiş Aşk bilmiş ‘aşk imiş ser-mest ü mahmûr eyleyen