Aşkın İle Aşıkların

Aşkın ile âşıkların giryân olur nâlân olur Esrârınla sâdıkların vâlih olur hayrân olur **** Visâline erenlerin irfân gülin derenlerin Cemâlini görenlerin akl u hûşu tâlân olur **** Kim ki âşıkdır Rahmân’a kalmaz olur baş u câna Eren katresi ummâna bil sen anı ummân olur **** Tarîkatde olan sâdık beyne’l-akrân olur fâyık Aşk şarâbın içen ‘âşık kendin bilmez sekrân olur **** Hüsâm cânın fedâ kılan aşkın ummânına dalan Hak’dan burhân ile gelen ehlu’llâha sultân olur