Seherler Bülbülasa

Seherler bülbülāsā gerçi nālem özge zārlıkdır Velî pervāneveş yanub kül olmak hoş bazārlıkdır Tecellî-i cemāliñden olub ‛ālem bahāristān Füyūzāt-ı nesîmiñle cihān heb lālezārlıkdır Şikāyet eyleme çarhdan işidüb nāle-i nāyı Murādı şāh-ı ‛aşka bir niyāz-ı dil-fiġārlıkdır Riyā zann itme zāhid zümre-i meczūbuñ ahvālin Zarūrî vārid-i hāldir ki sanma kesb ü kārlıkdır ‛Atā-yı cūd-ı Feyyāzdır hayātıñ añla ey ‛Aczî Fenā bezminde mahviyyet velākin hoş-güvārlıkdır