Kadem Bastı

Kadem bastın gönül tahtına sultanım safâ geldin Dil-i pür-renc ü tâb-ı derde dermanım safâ geldin Gel ey dilberlerin şâhı melahat burcunun mâhı Gedâ’nın hâlini gâhî sorup şâhım safâ geldin Kapundur matla-i a’lâ tapundur maksad-ı aksâ Senindir rütbe-i ulyâ benim şâhım safâ geldin Gel ey sultân-ı âlî-şân ki sensin Hüsrev-i devrân Sana hep bende-i fermân buyur şâhım safâ geldin Gedai geldi ol câne can olsun yoluna kurban Saadet tahtına sultân buyur şâhım safâ geldin