Süleyman Şahintürk
Anmaz mısın Sen Şol Günü
visibility
20 Okunma
Anmaz mısın sen şol günü cümle âlem hayrân ola
Nidesini bilemeye bi-hod u sergerdân ola
İsrâfil sûrunu vura cümle mahlûk dura gele
Dirilüben haşre vara anda kâdı Sübhân ola
Zebânîler çeke tuta götüre Tamu’ya ata
Deri yana sünük tüte dün-gün işi efgân ola
Mâlik çağıra Tamu’ya çek onu meydâna getir
Hak korkusundan Tamu’dan titreyüben figân ola
Mâlik aydur hey hey Tamu korkubanı titrer kamu
Tanrı buyruğun tutmayan anda pişe biryân ola
Dağlar yerinden ırıla heybetinden gök yarıla
Yıldızlar bağı kırala düşe yere perrân ola
Yazıklarımız tartıla onda perdeler yırtıla
Bilmediğin günâhların onda sana ayân ola
Yunus aydur iş bu sözü dergâhına tutgıl yüzü
Diler Hak’ı göre gözü hem inâyet ondan ola