Aşıkları Vecde Bırakır

Âşıkları vecde bırakır nây-ı muhabbet Hayât ola âşıklara deryâ-yı muhabbet Dağıldı şerâb-ı hidâyet bezm-i ezelde Bin zevk ile etdi nidâ salâ-yı muhabbet Meyhâne-i manâda olan bâde-i vahdet Sâkî-i hüdâya tâbi kâlâ-yı muhabbet Mestâne-i bezm-i ezelî mest-i müdâmdır Dünyâda da uhrâda da vâlâ-yı muhabbet İhsân-ı ezel yâdigeri kimde ki vardır Elbet görünür dildeki me’vâ-yı muhabbet LUTFÎ ne keremdir sana meyhâne-i ma’nâ Peymâne-i aşkı vere ma’nâ-yı muhabbet