Bahri Seadetde Dürri Hidayet

Bahr-i seâdetde dürr-i hidâyet Bulmak ister isen oku Kur’ân’ı Şehr-i şerâfetde dâr-ı selâmet Bulmak ister isen zikret Rahman’ı Hâlik-ı âlemdir hazret-i Allah Cibrîl-i Emîn’dir bevvâb-ı dergâh Seni gözler dergâh va’llâhi her gâh Kerem ister isen kesb et irfânı Muvahhidi tavaf eder melekler Tevhîd ile kabûl olur dilekler Tasdîk ile kuvvet alur bilekler Kuvvet ister isen hifzet îmânı Yârin ister isen ağyâre bakma Kârin ister isen bed-kâre bakma Hayrın ister isen eşrâre bakma Dermân ister isen bul bir Lokmân’ı LUTFİYÂ daldırma derin deryâya Süvâr ol zevrak-ı hubb-i Mevlâ’ya İntizar sarf eyle rûy-i bedrâya Cemâl ister isen bul bir cânânı