Bizi Gözler

Dergâh-ı Hudâ rahmet-i Rahmân bizi gözler Ey ehl-i îmân envâr-ı irfân bizi gözler Meddâhımız olmuş ezelî hazret-i Mevlâ Biz ümmet-i Muhammed’i ihsân bizi gözler Bu şehr-i sıyâm emr-i İlâhî ne keremdir Isyân u verem derdlere dermân bizi gözler Âyîne-i şerî’ate bak sen seni bir gör Emrine itâat ede Kur’ân bizi gözler Kendi ne Kerîm’dir ne kerem eylemiş Allah İslâm olanın ıtkına fermân bizi gözler Arşdan erişir ferşe kadar rahmet-i Rahmân Ebhur-i keremden olan ummân bizi gözler Allah’ı Muhammed’i seven beste-dil olmuş Fermânına Mevlâ’sının Furkân bizi gözler Bu şehr-i şerâfet ne kerâmet ne letâfet Eller ere a’lâya Ramazân bizi gözler Çâr etrafa çarpar mı bulan râh-i hüdâyı Dutmuş ola hablu’llahı sultân bizi gözler Ey nûr-i dîdem nûr-i hüdâ bu Ramazân’ da Gönül gözüne erişe bu şân bizi gözler Dest-gîrimiz ola meğer hazret-i Allah Mâh-i Ramazân efdal-i ezmân bizi gözler LUTFÎ yere yüz koy o kerem-kânına yalvar Va’llâhi bugün rahmet-i Rahmân gibi ( bizi ) gözler