Derd Elinden Dade

Derd elinden dâde geldik gelmedi Lokmân bize Rûz u şeb feryâd kıldık vermedi dermân bize Bâğ u bostân-ı melâhatde eder zevk u safâ Arz-ı hâlimiz okumaz istemez imkân bize Böyle bir cân-sûz ciğer-dûz tîrine olduk hedef Dergeh-i tibhânesinde kaldı bir efgān bize Ne kadar yandık yakıldık merhamet göstermedi Korkaram âhir içirir bu şerâb-ı kan bize Böyle nâz satmak niyâz-mendâne kimse görmemiş Kalmadı bir cân cesedde eyledi bu cân bize Mîr-i meydân-ı seâdetden meğer imdâd ola Yoksa âteşler verir cân cânına hâkān bize LUTFİYA dârü’l emân dergâhına eyle niyâz Erişe bâb-ı keremden rahmet-i Rahmân bize