Ey Talibi Mevla Gel Gir

Ey tâlib-i Mevlâ gel gir bâb-ı muhabbetden Dil cennetini seyret çal nây-ı muhabbetden Gülzâr-ı gönül vardır cennet ona müştākdır Arifler olur âgâh bu nâb-ı muhabbetden Var bâde-fürûşu gör meyhane-i ma’nâda Peymâne-yi vahdetle iç âb-ı muhabbetden Bir âb-ı hüdâdır mey mâye-i seâdetde Verd-i dile nem düşmüş gülâb-ı muhabbetden Mey ney ile bir demde âşıkları mest eyler Devrânı alur âşık tullâb-ı muhabbetden Meykeşler olur mestân perdeyi atar cânân Hayretde kalur cinân derbân-ı muhabbetden LUTFÎ ne keremdir bu meyhanede mey-nûşlar Bir cân-ı bâkî bulmuş erbâb-ı muhabbetden