Gel Ey Nuri Huda

Gel ey nûr-i Hudâ diller senin aşkın safâsından Ederler zevk-ı rûhânî bulup şevkın şifâsından Gel ey şems-i hüdâ senden alup hep enbiyâ feyzi Seâdet-mend olan oldu habîbu’llah hüdâsından Gel ey Ahmed gel ey Mahmûd Muhammed Mustafâ sensin Sana meddah olan kimdir Hudâ’nın mâadâsından Gel ey mihr-i meârif merhamet-kâni kerem nehri Bütün âlem sana kurbân geçüp rûhî fedâsından Gel ey şems-i risâlet burcuna bahş eyleyen nûru Kamu arş ile ferş dolmuş senin nûrun zıyâsından Gel ey üstâd-ı kül bezm-i risâletde dilârâsın Bulunmaz mihr-i vâlâsın güzel Hakk’ın atâsından Gel ey va’d-i kerîm-i Hak ile tebşîr olan cânân Seni râzı ede Allah yarın şân-ı ulâsından Gel ey mahbûb-i Mevlâ dergehinde bir gulâm LUTFÎ Aceb geçmez mi bir Allah bu ümmetin hatâsından