Gelmişim Sana

Pîrim azîzim bâ-safâ seyrâna gelmişim sana Mazhar-ı Zât-ı Mustafâ Sultân’a gelmişim sana Ey “ küntü kenz”in mazharı tâlib-i Hakk’ın rehberi Ey mürşidlerin serveri ihsâna gelmişim sana Ey kânı ilm ü irfânın mazharı sırr-ı Sübhân’ın Eder isen kabul cânım kurbâna gelmişim sana El-mü’minüne lâ-yemût hayy u bekâsın bî-vücûd Sundum sana elimi tut Lokmân’a gelmişim sana Zâhir tenim bâtın cânım döndüm sana küllî yönüm Kalmadı zann u gümânım îmâna gelmişim sana Yandı ciğer oldu kebâb dilerim ola feth-i ebvâb Nûş etmeğe âb-ı hayât mestâne gelmişim sana Yüz sürüyüben ağlayı himmetüne bel bağlayı Katre oluban çağlayı ummâna gelmişim sana İrgirmeğe mahbûbuna tâlibleri matlûbuna Emrâz-ı kalbin bâbına dermâna gelmişim sana Girdim bu aşk bâzârına komaz bugünüm yârına Yanmağa derdin nârına pervâne gelmişim sana Ol “ küntü kenz “” i bulmağa sırrına ârif olmağa İlm-i ledünnü bilmeğe irfâna gelmişim sana Ben bilmezem ahvâlimi bulmağa doğru yolumu Bî-çâreyim tut elimi dîvâne gelmişim sana Bulmağa vasl-ı yârimi kodum nâmus u ârımı İrgirmeğe katarımı kervâna gelmişim sana Ümmî Sinan eydür pîrim artdı benim âhım zârım Envârı gözler gözlerim Sübhân’a gelmişim sana