Mevla Kerem Et

Nefs ü şeytâna zebûn etme bizi Kerem et hey ulu Mevlâ kerem et Tâlib-i fânîye dûn etme bizi Kerem et hey ulu Mevlâ kerem et ‘Avnu Rabbânî refîk olmayacak Bir adım yer varımız tâlib-i Hakk Zuefaya nazar-ı lutfile bak Kerem et hey ulu Mevlâ kerem et Yer ü gök çekmediğü haml-ı kebîr Götürür anı bu insân-ı sagir Yardım eyle bize ey Rabb-i Kadîr Kerem et hey ulu Mevlâ kerem et Mâsivâya bakuben kalmıyalım Tâ hevayı hevese dalmıyalım Zâğa şâhbâz-ı dili salmıyalım Kerem et hey ulu Mevlâ kerem et Nice bir mâni’ ola hubbu sivâ Ola nûrunla münevver fukarâ Vaslını eyle Hüdâyî’ye ‘atâ Kerem et hey ulu Mevlâ kerem et