Neyin Noksan Olur Bahri Keremden

Bizi halk eyledin ketm-i ademden Verüp evrâkımız bahr-i keremden Bu dîn-i İslâma geldik hidemden Kerem eyle kerem-kâni keremden Neyin noksan olur bahr-i keremden **** Bizi kıldın Muhammed ümmetinden Verüp dünyâda îmân devletinden Ümîdi kesmeyiz merhametinden Kerem eyle kerem-kâni keremden Neyin noksân olur bahr-i keremden **** Verüp kalbimize nûr-i hidâyet Hidâyet bahrine yokdur nihâyet Seâdetle müyesser et selâmet Kerem eyle kerem-kâni keremden Neyin noksân olur bahr-i keremden **** Bizim peygamberimiz Mustafa’dır İmâmımız Aliyyü’l-Murtezâ’dır Gül-i gülzârımız Al-i abâdır Kerem eyle kerem-kâni keremden Neyin noksan olur bahr-i keremden **** Bizi kıldın şerî’at ile me’mûr Hidâyet hil’ati ile de mesrûr Muvahhidler olur elbette mağfür Kerem eyle kerem-kâni keremden Neyin noksân olur bahr-i keremden **** Ezelden tâ ebed zât-ı Kerîm’sin Rahîm’sin Evvel ü Ahir Kadîm’sin İlâhî ahvâlimizi Alîm’sin Kerem eyle kerem-kâni keremden Neyin noksan olur bahr-i keremden **** Kerîm’in sevdiği lutf u keremdir Delîlimiz nebiyyi muhteremdir Bu dergâhe kamu âlem hidemdir Kerem eyle kerem-kâni keremden Neyin noksân olur bahr-i keremden **** Kerîm’in keremine yok nihâyet Tarîk-ı müstekîme kıl hidâyet Hidâyete bize sen ver dirâyet Kerem eyle kerem-kâni keremden Neyin noksan olur bahr-i keremden **** Bizi bahşet habîbin Mustafa’ya İmâmımız Aliyyü’l-Murtezâ’ya Dahî hem çâr-i yâr-i bâ-safâya Kerem eyle kerem-kâni keremden Neyin noksan olur bahr-i keremden **** Diler LUTFÎ kerem-kâni Kerîm’den Diler dermânı Hallâk-ı Hakîm’den Dilerler merhamet elbet Rahîm’den Kerem eyle kerem-kâni keremden Neyin noksân olur bahr-i keremden