Nice Bir

Nice bir bu elem-i firkat-i dildar nice bir! Nice bir bu keder-i ülfet-i ağyâr nice bir! Bize olur mu müyesser aceb ol şâm-ı visal, Nice bir bu kesel ü gaflet-i evzâr nice bir! Kaçalım halk-ı zamandan gidelim Hakka hemin, Nice bir bu fukaraya buğz ü inkâr nice bir! Kadirî-yy-ül vakt olalım gidelim yolumuza, Nice bir bu hubb-ü dünyâ cem’-i dinâr nice bir! Geliyor mah-ı Muharrem kabarır nefs-i yezid, Nice bir bu it gibi hırıltı her bâr nice bir! Yanına varanı kapar şol kudurmuş it gibi, Nice bir bu sitem ü cevr-i sitemkâr nice bir! Ki bu âylâr gelicek ta’na cesâret eder ol, Nice bir bu ğadab ü hışmet ü âzâr nice bir! Eylemez ğayra şikâyet Tanrısın ârif olan, Nice bir bu nâsa şekvâ hâli iş’ar nice bir! Edelim şevk ile zikri çalalım tabl-i kudüm, Nice bir bu hazer ü havf ü riyâ ar nice bir! Yolumuz Hazreti Geylânî yolu çünki bizim, Nice bir bu bize hor baktılar onlar nice bir! Biz onun eşiğinin bendesiyiz ez dil ü cân, Nice bir bu bende nefs ile bâzâr nice bir! Nice bir bu fâsıkı sâlih sanûben sevdiğim, Nice bir bu amel-i bâtılı ızmâr nice bir! Yeridir ehl-i nifakın derk-i esfel dedi Hak, O münafık bizi aldadığını Tanrı bilir, Nice bir ğaraz-ı fâsidi inkâr nice bir! Verdi Kuddûsî’ye nefret mâsivâ endişesi, Nice bir bu mâsivâya meyle ısrar nicce bir!