Süleyman Şahintürk
Ol Can Kaçan
visibility
18 Okunma
Ol cân kaçan öliser sen ona cân olasın
Ölmüş gönül dirile onda ki sen olasın
Ölmeklik dirlik ola ölümsüz dirlik bula
Başlı gönül onula merhemi sen olasın
Sen olduğun gönüller her dem cânın yeniler
Bunlardır ölmeyenler hâkimi sen olasın
Sen olduğun makâmda ehl-i dâd olur onda
Güç olmaz ol divânda sultânı sen olasın
Cân bedenden uçucak menzilinden göçücek
Ol cihâna geçicek göze ayân olasın
Tozunu yel almaya bir zerre ırılmaya
Âşık cânı ölmeye maşûku sen olasın
Yunus sen âşık isen aşka muvafık isen
Korkma ulaşık isen ne olursan olasın