Ol Cihanın Fahrının

Ol cihânın fahrının sırrına kurbân olayım Hutbe-levlâke inen şânına kurbân olayım Kâb-ı kavseyni ev-ednâs’sına kurbân olayım Ben anın ilmiyle irfânına kurbân olayım Ben anın esrâr-ı mi’râcına kurban olayım Ol Ebûbekr-u Ömer Osman Ali dört yâridir Ol Risâlet bağının anlar gül-i gülzârıdır Cümle Eshâb hidâyet râhının envârıdır Ben anın Âline Ashâbına kurbân olayım Ben anın Ashâb-ü ahbâbına kurbân olayım Ol Hasan hazretlerine zehr içirdi eşkiyâ Hem Hüseyn oldu susuzluktan Şehîd-i Kerbelâ İkisidir asl-ü nesl-i cümle Âl-i Mustafâ Ben anın Âline evlâdına kurbân olayım Ben anın evlâd-ü ensâbına kurbân olayım Cümle ümmetten hayırlıdır O Şâhın ümmeti Ümmetine cümleden artık eder Hakk Rahmeti Enbiyâ anınla buldu bunca lûtf-u izzeti Ben anın lûtfuna ihsânına kurbân olayım Ben anın envâ-i eltâfına kurbân olayım Her ne denlü Enbiyâ vü Mürselîn kim geldiler Ümmeti olmaklığı Hakk’tan temennî kıldılar Evliyâ ana Niyâzî kul-u kurbân oldular Ben anın ayağının tozuna kurbân olayım Yoluna gidenlerin izine kurbân olayım