Süleyman Şahintürk
Sene Bin İki Yüz Elli
visibility
20 Okunma
Sene binikiyüzelli dahi altı durur kardaş
Kabarıb nefsimiz kaldırdılar iblise uyub baş
Nasihat eylemez oldu bize tesir niçin bilmem
Gelib gönlümüze rikkat akıtmaz gözlerimiz yaş
Bu asrın halkının binde birinde aşk-ı Mevlâ yok
Hüdâ âşıklarına buğz edib dâim atarlar taş
Gerekdir aşk u cezbe sâlike şarttır ki onlar bil
Sakın sen sâlik-i sırf ile her giz olmağıl yoldaş
Hemân et zikr ü istiğfâr sığın Settâr’a Kuddûsî
Meseldir ekseri derler, yanar kurular içre yaş