Vakıf Dilberim

Şârih-i metn-i gönül esrâra vâkıf dilberim Lübb-i maksad hâsıl-ı efkâra vâkıf dilberim Şeb-nemi vakt-i seher gül gönlüne koymaz sabâ Yâr ile yârân olan ağyâra vâkıf dilberim Mûcib-i tahsîn bugün irfâne mâlik bir güzel Cennet-i dil dâhil-i ezhâra vâkıf dilberim İhtiyârsız cân cesetden kuş gibi pervâz eder Âhû-yi Çin’den güzel enzâra vâkıf dilberim LUTFİYÂ herbir zemân bir dilberin devrânıdır Tâlib-i feyz-i Hudâ ebrâra vâkıf dilberim