Süleyman Şahintürk
Vakti Seher Dökülür
visibility
16 Okunma
Vakt-i seher dökülür bülbülân efgānımıza
Gül-i hasret bû verir gülbe-i ahzânımıza
Dâne dâne la’l-i reng eşk-i teri çeşmimizin
Eseri verdi nemâ tâze gülistânımıza
Dil-i târikimizi etdi rûşen şemʻa-i âh
Eyledi bahş-i çırağ bu şeb-i hicrânımıza
Vuslat-ı ân-ı vefâdârımızı gördüğümüz
Âlem-i hâb mı diyem dîde-i giryânımıza
Ruh-i gül-reng-i nigârımızı bu seyr ü safâ
Mihr-veş çaldı o meh şu’lesini yanımıza
Yâr ile yârân olupdur dil-i hasret-gedemiz
Cân-nisâr eyleyelim cân ile mihmânımıza
LUTFİYÂ cânânımız cânımıza kasd kılup
Yoluna kurbân olup ıyd edelim cânımıza