Varır Yolumuz

Gel bizimle hemdem ol cânâna varır yolumuz! Sanma bîgâne bizi, divâne varır yolumuz! Dürr ü mercân ister isen dal bizimle bahre sen, Bahrîyiz biz lü’lü’ü mercâna varır yolumuz! Sooh içinde su görüben sanma deryâdır onu, Bî nihâyet ka’rı yok ummâna varır yolumuz! İlm-i zahir ehl-i Hakkı bilemez ayn-el yakîn, Hakkı bilen sâhib-i irfâna varır yolumuz! Dembedem artıp gider derdim diye olma melûl, Derd-i aşktır adı bir dermâna varır yolumuz! Râh-ı merdân-ı Hüdâ derler bu râha sen de gir, Cümleye rahmet olan Sultana varır yolumuz! Dinle Kuddûsî kelâmın cân ü dilden sâlikā, Gide gide âkıbet Yezdâna varır yolumuz!