Zevkı Ruha Bahşeder

Zevk-ı rûha bahşeder ahsen-i etvârın senin Halka merhamet gönülde dâim efkârın senin Nâsırın Allah ola her dü-serâ ey nûr-i dil Feyz-i Feyyaz’dan ala nûr çeşm-i bîdârın senin Gülbün-i dil nem ala âb-ı hidâyetden güzel Verd-i vahdetden aça dildeki gülzârın senin Bu devirde böyle bir uslûb-i ilhâm lutf-i Hak Arifâne kıl rûşen rahmet-nisâr kârın senin Bahr-i tuğyâne salan sefînesin kaptanların Urmaya bir seng-sâre eldeki dârın senin Kādir ü Kayyûm olan Perverdigâr destin duta Her umûrunda mu’înin ola Settâr’ın senin Dâimâ mesrûr olur Mevlâ’dan istimdâd eden Dârü’l-emân halk ola herbir zemân gārın senin İlm ü irfândan nasîbi olmayan zahmet çeker Gülbe-i dilde yana LUTFİYÂ çırağın senin