Aman Ya Fahri Alem

Aman yâ fahr-i âlem dehr-i süflide perîşânım Günahkâr olduğumdan rûz u şeb nâlan-ı giryânım Penâhım ilticâgâhım Resulullah-ı Zîşânım Beni tahlis kıl ki müstağrak-ı deryâ-yı isyânım Nedâmetler edip âlâyiş-i dünyâdan el çektim Hevây-ı nefse uydum evvelâ şimdi peşîmânım Olur zir ü zemin cay-ı karar âkibet bir gün Misafir hâne-i dâr-ı fenâde çünki mihmânım Habîb-i Kibriyâ cemiyet-i rûz-i kıyâmette Şefaat eylemez mi müslimânım ehli îmânım Beni has ümmetinle haşr ü neşret ya Rasulallah Hulusi kalb ile çün tabi’i ahkâm-ı Kur’anım Bu mücrim Haydarı âzâde-i nâr-ı cahîm eyle Teemmül eyledim ezher cihet şâyân-ı nîranım