Tekkelam Musiki Topluluğu
Nigarım Dilberim Yarim
visibility
12 Okunma
Nigârum dil-berüm yârum enîsüm münisüm cânum
Refîkum hem-demüm ‘ömrüm revânum derde dermânum
Şehüm mâhum dil-ârâmum hayâtum dirligüm rûhum
Penâhum maksadum meylüm medârum fikrüm ü cânum
Kamer-çehrem perî-rûyum zarîfüm şûhum u şenüm
Semen-byûm gül-endâmum zehî serv-i gülistânum
Latîfüm nâziküm habîbüm turfe-mahbûbum
Hicâzum ka’be vü Tûr’um behiştüm hûr u Rıdvânum
Gülüm reyhânum eşcârum ‘âbîrüm ‘anberüm ‘ûdum
Dürüm mervâridüm kâhum ‘akîkum lâ’l u mercânum
Dil-efrûzum vefâ-dârum ciger-sûzum cefâ-kârum
Hudâvendum cihân-dârum emîrüm şâh u sultânum
Çerâğum şem’um nûrum ziyâ’üm yulduzum şemsüm
Hezârum bülbülüm gülüm Nesîmî yahşı elhânum