Tekkelam Musiki Topluluğu
Olandan Sor
visibility
13 Okunma
Dilâ keyfiyyet-i ‘ışkı yürü mey-hor olandan sor
İçip vahdet şarâbını ebed mahmûr olandan sor
Sakın kim sırrı-ı ‘irfânı mazâhir ehline sorma
Anı ancak ma’ârifle tolup pür-nûr olandan sor
Eger mâhiyyetin lutf ile kahrın bilmek istersen
Anı var derd ile Eyyüb gibi meşhûr olandan sor
Fenâ erbabının keyfiyyetin bilmek ise maksüd
Libâsı meskenet içre girip mestûr olandan sor
“Ene’l Hak” sırrını Zâtî riyâset ehline sorma
Anı sen dâr-ı dil dâra bugün Mansûr olandan sor