Penbei Merhemi Dağ İçre

Penbe-i merhem-i dâğ içre nihândur bedenüm Diri oldukça libâsum budur ölsem kefenüm Cânı cânân dilemiş virmemek olmaz ey dil Ne nizâ eyleyelüm ol ne senündür ne benüm Tavk-ı zencîr-i cünûn dâ’ire-i devletdür Ne revâ kim beni andan çıkara za’f-ı tenüm Bülbül-i gam-zedeyem bâğ-ı bahârum sensün Dehen ü kadd u ruhun gonce vü serv ü semenüm Edemem terk Fuzûlî ser-i kûyın yârün Ne kadar zulm yeriyse bana hoşdur vatanum