Şeha Miratı Kalbe

Şehâ mir ‘ât-ı kalbe hüsn-i rûyundan cilâ göster Gubâr-ı derd-i hicrânı silüp rûy-ı safâ göster Rüsûm-ı mâ-sivâyı nâ-bedîd it safha-i dilden Cemâlin seyrini âyîne-i ‘âlem-nümâ göster Hayâlinle cünûna uğramış zencîr-i zülfünde Esîr olmuş gönül Leylâ visalin bî-cefâ göster Vücudum şems-i rüyun nîzesinden rîzelenmişdir Marîz-i fürkate envâr-ı vaslından devâ göster Tenim deryâ-yı esrâr-ı mahabbet de fenâ olmuş Bekâdan ol fenâ keştîsine bir nâhudâ göster Ezel bezminde ben ‘ahd itmişim ki dönmeyem senden ‘İnâyet kıl cefâyı terk idüp bir dem vefâ göster Beyâbân-ı talebde pâ-bürehne huşk-leb kaldım Ğulâmî teşneye gel çeşme-i âb-ı likâ göster