Âdem Olana Lazım Olan

Âdem olana lâzım olan dîde-i ‘irfân ‘Ârif olur elbette olan zümre-i insân Hayvânları sen nûr-ı basîret ile seyret Hayvân olana dünyâ olur sahrâ-yı cevlân Kanlar yutar elbette bugün ‘âlim ü dânâ Erbâb-ı zekâya görünür kanlı bu devrân Ger dîde-i cânda var ise nûr-ı hidâyet Sadrında yanar dehşet ile âteş-i sûzân ‘Akl ile zekâvet per-i pervâz ile gitdi Hayâ ile insâf idi karargâh-ı îmân Mevlâ’ya tevekkül ne diyem Kâdirü Kayyûm Merhamet ide mü’mine ol Hazret-i Rahmân Lutfî’ye kerem eyleye Hakk her dü serâda Dillerde dâim tevhîdimiz ravza-i rıdvân