Arşdan Yüce Kurulmuş

Arşdan yüce kurulmuş sayvânı dervîşlerin ‘Arş kürsî levh u kalem hayrânı dervîşlerin Dolu dolu kadehi Dost elinden içerler Nişânsız bî-nişânda cevlânı dervîşlerin Dervîşler Dost’a gider iki cihânı n’ider Mekânsız lâ-mekânda seyrânı dervîşlerin Neliksiz niteliksiz bakarlar Dost yüzüne Pâyânsız devr içinde devrânı dervîşlerin Dervîşleri Hakk sever Kur`ân içinde öğer Hazret eşiğindedir dîvânı dervîşlerin Âdem yaradılmazdan elestden ileriden ‘Ahdleri var Dost ile pinhânı dervîşlerin Dervîşlerin sözünü feriştehler anlamaz Dört kitâbı cem’ ider lisânı dervîşlerin Hızr’a yoldaş olmazlar Mûsâ’ya sır dimezler Berkişüpdür Dost ile peymânı dervîşlerin Cümle yaradılmışın dervîşler dilin bilir Süleymân bilmez nedir zebânı dervîşlerin Dervîşler işbu mülke teferrüce geldiler İki cihândan öte cihânı dervîşlerin Bu Eşrefoğlu Rûmî mahremi dervîşlerin Abdülkâdir Sultân’dır sultânı dervîşlerin