Abdullah Tamamlar
Hudavenda Habibinle Tevessül Eyleyüb Sana
visibility
16 Okunma
Hudâvendâ habîbinle tevessül eyleyüb saña
İderem ‘arz-ı hâl nazm ile rıfk itsün deyü baña
****
Muhît ‘ilmin kamu şey’e bilürsin hâlimi cümle
Bugün pes olmışam bir şeyh-i fânî hem marîz koca
****
Garîb oldum ilimde münkesir kalbim hazîndür hem
Olub mahbûs-ı bâtın halvet içre ‘andelib-âsâ
****
Sabî iken sülük itdim tarîka ‘ışk u sıdk-ile
Gice gündüz çalışdım zikr-ile dil oldı bir derya
****
Geçirdim çoğını evkâtımın zikr-i şerifinle
Akub Nîl-veş gönül iklimine ‘ışk toldı ey Mevlâ
****
Şu hâlimde yine zikr eylerem kalb ti lisânımla
Fütur gelmez cihanda halkı olsa dahi hem a’dâ
****
Bu günlerde uyandı fitne mel’ûndur uyandıran
Sığınur saña Kuddûsî kulun hıfz eyle Kuddûsâ
Ahmed Kuddusi