Aşıkam Zahid Beni

Âşıkam zâhid beni levm eylese andan ne gam ‘Ârifem zâğ u zâğân savtı gelir bana nağam Şerbet-i feyz-i ilâhî içmeyen dil-hasteler Bilmez anlar kim nedir ‘âlemde sırr-ı câm-ı cem Lezzet-i dil zevk-ı ma’nâdan gelir ey bî-mezâk Tatmayınca işbu lezzetden çekersin çok elem Dil sadef dürr-i yetîmi oldu anın ma’rifet Feyz-i pâk-i Hazret-i Mevlâ olupdur hem çü yemm Bu cihânda Hakkıyâ hâmûş olur ‘ârif olan Meclis-i ‘aşk-ı ilâhîde dem urup ne diyem