Bana Bu Ten Gerekmez

Bana bu ten gerekmez cân gerekdir Ol bâkî cennete îmân gerekdir Eğer Muhammed’e ümmet olursan Dilinde zikr ile Kur’ân gerekdir Zehî mürşid ki bizi Hakk’a iletir Âşık cânı ana kurbân gerekdir Namaz kılmağa zikir itmeğe dâim İnâyet kuluna Hakk’dan gerekdir Bular hod geçdi uçmak arzusundan Dîdâr göstermeğe sultân gerekdir N’iderim uçmağı yâhud ki hûru Bana dergâhına seyrân gerekdir Hakîkat şerbetin içen âşıklar Başı açık teni uryân gerekdir Âşık Yûnus bu sırrı anlayanın Ciğer büryân gözü giryân gerekdir