Beni Ya Rab Halas Eyle

Beni yâ Rab halâs eyle bu derd ile kasâvetden Ki zîrâ çok zuhûr itdi ‘alâmetler kıyâmetden Bana sen tevbe vü tevfîk mukaddem bir gün ihsân it Bilürem fâide hâsıl değil sonra nedâmetden Sana ma’lûm eyâ Hâlık ne denlü vardır ‘isyânım Benim nefsim değil hâlî gice gündüz kabâhatden Eğerçi cürme müstağrak kulunvan rahmetin çokdur Anunçün olmazam nevmîd hidâyetle ‘inâyetden Hevâ-yı nefs ile dilden gider vesvâs-ı Şeytân’ı Çü Gurbî sana yüz tutdu murâdı bu ‘ibâretden