Derdin Oduna

Derdin oduna yanmış pervâneleriz hakkâ ‘Aşkın meyine kanmış mestâneleriz hakkâ Şevkin ile sâlikler sevdân ile hâlikler Cân milkine mâlikler cânâneleriz hakkâ Seyyâre-i râh olmuş sâlâr-ı sipâh olmuş Dil tahtına şâh olmuş şâhâneleriz hakkâ ‘Aşkı ile dil dolmuş cezbe yolunu bulmuş Meczûb-ı Hudâ olmuş dîvâneleriz hakkâ Ol ‘âlem-i vahdetde kâşâne-i vuslatda Meydân-ı hakîkatde merdâneleriz hakkâ Dil doldu mey-i vahdet virdi bize keyfiyyet Döndürdü yed-i kudret peymâneleriz hakkâ Dâniş bu deme yetmez zâhid bu yola gitmez Vâ’iz bizi fark itmez bilmez neleriz hakkâ Nâr üzre hüdâ bulmuş nûruyla ziyâlanmış Vârını fenâ kılmış vîrâneleriz hakkâ Çün Nûrî’yi nûr almış nefsini suya salmış Deryâ dibine dalmış dürdâneleriz hakkâ