Divanhanei Hikmetde

Dîvânhâne-i hikmetde merdâneler okurlar ders Niyâz-mendân-ı rahmetde erham olur feryâd-res Der-i dildârı merkezden erbâb-ı nâzı seyreyle Yol aldılar seher-hîzân dâim feryâd eder ceres Sivâ-perest olan ni’met-i îmândan habersizdir Şekâvet zulmeti almış gönlüne dolmuş hâr u has Gül-gülistân-ı tevhîdde gönlü gözü pür-nûr olan Devr ider âsiyâb-veş zikr-i ilâhî her nefes Kalbe dola nûr-ı hüdâ cân atar cânân iline Cânânsız ‘âşıka cânâ cennet olur câna kafes Bu eşyâ mazhar-ı esmâ fâ’il-i muhtâr müsemmâ Görünen gösteren Hakk’dır kayd-ı sivâdan kalbi kes Lutfî derin deryâların daldırma ka’rına hergiz Hâlık halkına erhamdır Allahu bes bâkî heves