Dur Yola Gir

Dur yola gir kârıbândan kalma kim yağı basar Hânümânın elde iken eylegil ana hisâr Korkaram ben kimseye kılmaz vefâ çarh-ı felek Gaflet içinde bu ‘ömrüm yayını bir gün yasar Bunda vü anda belâdan bulmadı hergiz halâs Her kim İblîs’in yoluna uğrayup ayak basar Her ki gafletden uyanmaz kim nasîhat dinleye Ol kişinin gözünü yarın cehennem açısar Halk içinde adımız dervîş ü sôfî ehl-i dil İllâ meger ehl içinde olmuşuz kim bî-basar Ger ‘inâyet olmaya ferd-i Çalab’dan âh u vâh ‘Akl-ı rûhânî çerisin leşker-i nefsim basar Gör Sinân Ümmî cihân mâlın derenler hırs ile Rızkını yer içer ancak artığın lâbüd kusar Ümmi Sinan