Evvel Sübuti Arş Gerek

Evvel sübût-i ‘arş gerek pes cülûs-i yâr Bu bir meseldir anlayan gizli remzi var Hâsıl nedir bu remz ile kıssadan murâd Fehm eyledinse müjde senindir o yâr-ı gâr Pâk olsa dil hevâdan o ‘arş-ı ‘azîmdir Dildâr-ı saltanatdır o dildâra ber-karâr Tâ key bu derd-i dilden idersin enîn ü âh Kalbin mukallibine vir ol râhat olma zâr Tâ key bu cism-i rehzen ile gam çeker bu cân Cândan geç anı koyma bu gamlara zinhâr Yandın yarınki va’deye sen intizâr ile Nakd al visâl-i yâri ne hâcet bu intizâr Hakkı urûş-i zerrelere eyleyen ‘urûc Bilmiş o remzi halka velî itmez âşikâr