Gelmişiz

Biz ki bu bezm-i ‘âlem-i insâna gelmişiz Sahbâ-yı ‘aşk içmeğe devrâna gelmişiz Terk-i riyâz-ı cennet-i firdevs eyleyüp Bâġ-ı cihânda bir gül-i handâna gelmişiz Vahdet makâmı olmuş iken cilve-gâhımız Nâgâh rûy-i kesreti seyrâna gelmişiz Ehl-i fenâya keşf ü kerâmât n’eylesün Biz zât-ı pâk-i hazret-i ‘irfâna gelmişiz Erbâb-ı ‘aşk bizden alır neşveyi bugün Tıfl-ı derûnu perverişe ana gelmişiz ‘İlm-i ilâhî bahr u sadef anda kâinât Hakkı sadefde çün dürr-i yek-dâne gelmişiz