Gönül Fikri Sivadan

Gönül fikr-i sivâdan olsa hâlî Tecellî ide nûr-ı lâ-yezâlî Seher zikri siler dilden gubârı Görünür anda vech-i zü’l-celâli Özün fehm eylegil mahv-ı vücûd it Hakîkat ‘ilminin budur misâli Diyârında gönül mehcûr ol ilden Gözümden gitmedi yârin hayâli Vusûl-i nûr-ı vahdet isteyenler Bulur insân-ı kâmilde bu hâli Yüzün sür âsitân-i pîr-i ‘aşka Sana keşf eyleye sırr-ı cemâli Bulam dirsen hayât-ı câvidânı Zekâyî’nin elinden iç zülâli