Hakk Varlığın Kıldı

Hakk varlığın kıldı yine üstâdını dervîşlerin ‘İlm-i ledünn ıssı kodu pes âdını dervîşlerin Bî-vâsıta ‘ilm-i ledün ol kulların esrârıdır Kim varlığın virüp alır irşâdını dervîşlerin İki cihânın rengini yudu gönülden ser-te-ser Kim tutısar pes naks ile âzâdını dervîşlerin Keşf itdi ‘ilm-i lem-yezel gönlüne nakkâş-ı ezel Mahlûk ilinden götürür bünyâdını dervîşlerin Pes dilini halk anlamaz dilden değildir dinlemez Sen sensizin anla sözün bil dâdını dervîşlerin Kevn ü mekânın nakşını göstere sana gözgüsü Zîrâ sızırdı ‘aşk odu pûlâdını dervîşlerin Cân u cihânı terk idüp ‘Âşık yola girdi gider Çün bu yola yokluk komuş Hakk zâdını dervîşlerin