Kamyabdır Cihanda

Kâmyâbdır cihânda bugün tâlib-i güher Deryâ-yı dilde yoksa beğim çok-durur dürer Neylersen eyle ma’rifetin tut elin dilâ Erbâb-ı hâl içinde bugün yokdur öyle er Ey hâce nakd-i hâline ‘irfândır mehek Mîzân-ı ‘aşk ma’rifeti pek ağır çeker Dîdâr-ı ‘aşk Fâtihâ’dır sanki vuslata Yokdur kitâb-ı dilde bugün öyle pâk eser Kâl olmadan belâ vü gam-ı derd-i Yâr ile Olmak dilersen ey kişi kıymetle mu’teber Kühl-i cilâ-yı vahdet ile çeşmi rûşen it Kesretde Hakkı hâsılı bisyârdır keder