Kılsunlar

Âşık nâmından usandum gerek âvâre kılsunlar Bugün vaslına el sundum gerek pür yâre kılsunlar Niçe bir hasret-i hicrân takar dâr zülfüne gerdân Beni lâyık gerek nûra gerekdir nâre kılsunlar Karârım gitdi selb oldu niçe bir eyleyem gayret Yirim sensiz gerek hâre gerek gülzâre kılsunlar Niçe bir hasretin nârı beni ihrâk ider her dem Bugün vaslından ayrılman gerek bin pâre kılsunlar Hayâlin cânıma kıble gelüp ‘aşkın îmâm oldu Niyâzın il gerek yâre gerek ağyâre kılsunlar Bugün meydân-ı ‘aşkında şehîd olmak murâdımdır Buyur cellâd gerek mahfî gerek âşkâre kılsunlar Gel olursa eğer senden geçer varlık hevâsından Sinân Ümmî karâr kılmaz gerek bin pâre kılsunlar