Kıymadın Sakini Kuyun

Kıymadın sâkin-i kûyun olana peykânın Bir içim su ile ağırlamadın mıhmânın Nâvek-i gamze diriğ eyleme âşıklardan Kesme erbâb-i vefâdan nazar-i ihsânın İsteğin cân idi hâk-i rehine tapşırdım Yetti ol hod yerine şimdi nedir fermânın Câna yettim elem-i hercin ile ey zâlim Rahm kıl cânın için var ise bir dermânın Dâd-hâhım sana dâmen ne çekersin benden Yok mu vehmin ki tutam haşr günü dâmânın Zâlim olsan ne aceb yok sana düzâh vehmi Sana hod yetmeyecektir senin öz hicrânın Vasl eyyâmı revan yâre fidâ eylemedin Ey Fuzûlî gam-i hicrân ile çıksın cânın Fuzuli