Olmuş Olmamış

Âşinâ bul sohbete bîgâne olmuş olmamış Bülbül ister gülşene pervâne olmuş olmamış Esfele meyl eyleme bâlâya pervâz idegör Himmet-i murg-ı hümâya lâne olmuş olmamış Bir makâm ile mukayyed olmayıp ıtlâka ir Merd-i râha menzil-i kâşâne olmuş olmamış Şeş cihetden gel ‘urûc it müntehâya bî-vücûd Müntehâya şeş der ü şeş hâne olmuş olmamış Mâsivâ zevkinden i’râz it gerekse vasl-ı Hakk Zevk-i ednâ zümre-i merdâne olmuş olmamış Zât-ı Hakk’da mahv u müstağrak gerekdir mâsivâ Neşve-i hâlât ile mestâne olmuş olmamış İ’tibârı bir cihetdendir Salâhî ‘ârifin İltifâtı sûretâ mîrâne olmuş olmamış